Jólafundur Bókmenntahóps U3A var haldinn miðvikudagskvöldið 9. desember. Fjölmennt var á fundinum en jólafundurinn var opinn öllum. Eftir áramót er nýskráning inn í hópinn en fjöldi skráðra í hópnn er takmarkaður.

Jórunn Sigurðardóttir, bókmenntafræðingur og útvarpsmaður, var gestur kvöldsins. Hún ræddi fyrst um þær jólabækur sem hún hafði lesið, fjallaði um ritdóma um hinar ýmsu bækur, auk þess sem hún spjallaði um Íslensku Bókmenntaverðlaunin, Fjöruverðlaunin o.fl. Inn á milli umfjöllunar hennar var skrafað og spjallað um þær bækur sem fólk hafði lesið. Mjög góður rómur var gerður að umfjöllun Jórunnar Sigurðardóttur og var þetta hið skemmtilegasta og fróðlegasta kvöld. Ákveðið var að fá hana hið fyrsta aftur í heimsókn.

Í lok fundar var gerð könnun meðal þátttakenda og spurt:

Hvaða bók vildi ég taka með mér í rúmið á aðfangadagskvöld?

Þessar bækur fengu flest atkvæði í þessari röð.

1. Og svo tjöllum við okkur í rallið: Guðmundur Andri Thorsson
2. Stóri skjálfti: Auður Jónsdóttir
3. Sögumaður: Bragi Ólafsson
4. Stúlka með höfuð: Þórunn Jarla Valdimarsdóttir
5. Mamúska: Halldór Guðmundsson

 

Auk þess voru nefndar til leiks einu sinni hver:

  • Útlaginn: Jón Gnarr
  • Hundadagar: Einar Már Guðmundsson
  • Dimma: Ragnar Jónasson
  • Þær þráðinn spunnu: Gunnhildur Hrólfsdóttir
  • Brynhildur Georgíia Björnsson: Ragnhildur Thorlacius
  • Spámennirnir í Botnleysufirði: Kim Leine
  • Mamma klikk: Gunnar Helgason
  • Dúkka: Gerður Kristný
  • Eitthvað á stærð við alheiminn: Jón Kalman Stefánsson
  • Ljóðabók eftir Mattthías Johannessen
  • Ég skapa - þessvegna er ég: Soffía Auður Birgisdóttir um Þórberg
  • Randalín, Mundi og afturgöngurnar: Þórdís Gísladóttir
  • Endurkoman: Ólafur Jóhann Ólafsson
  • Ljóðasafn Vilborgar Dagbjartsdóttur

Texti: Ásdís Skúladóttir