Vilborg Davíðsdóttir rithöfundur flytur erindi

Auðar saga djúpúðgu

,,Þykjast menn varla dæmi til vita að einn kvenmaður hafi komist í brott úr þvílíkum ófriði með jafnmiklu fé og föruneyti. Má af því marka að hún var mikið afbragð annarra kvenna.“ Þannig farast sögumanni Laxdælu orð um ferð Auðar djúpúðgu frá Skotlandi til Íslands í lok níundu aldar. Í þríleik sínum um viðburðaríkt líf Auðar spinnur Vilborg Davíðsdóttir rithöfundur lokaþráðinn út frá þessum þekktu orðum.

Bækurnar Auður, Vígroði og Blóðug jörð hafa hlotið fádæmagóðar viðtökur og yfir 2.300 manns hlýtt á frásögn Vilborgar um Auði á Sögulofti Landnámssetursins í Borgarnesi þar sem uppselt hefur verið á allar sýningar. Hún flytur erindi fyrir samtökin U3A í Hæðargarði 31 þriðjudaginn 22. október kl. 16:30 og segir þar í máli og myndum frá háskalegri ferð Auðar yfir hafið, um Orkneyjar og Færeyjar, til landnáms í Dölum. Saman við sögu konunnar sem á engan sinn líka í landnámssögu Íslands fléttar hún frásögn Landnámabókar af þrælauppreisn á suðurströnd Íslands þar sem nýja landið var vígt blóði.

Umfjöllun um bækur Vilborgar má finna á vefsíðunni davidsdottir.is

Allir eru velkomnir.

Aðgangseyrir 500 kr. sem greiðist í reiðufé við innganginn

Staður og stund: Hæðargarður 31, kl. 16:30 þriðjudaginn 22. október

Skráning nauðsynleg

Skrá mig hér